我認為在香港，西醫是主流，而中醫似乎是在有註冊制度後才漸見規模。而一些長期病患者，都是中西醫都無法幫到，「走投無路」的情況下，會求助於其他療法。我都是在TSW後才認真搵下有冇其他治濕疹的方法，而開始認識、了解一些另類療法。有些療法，我經過資料搜集（都係搵下Forum或者blog），覺得值得試下的。
(1)
生物共振 Bio-resonance
Therapy (BRT)
在「親子王國」（Baby Kingdom，下稱bk）比較多呢方面的資料，都是有媽媽的小朋友有嚴重濕疹，經BRT治好了，當中包括「內服篇」中opc-3的「小sin子」。網上打手不少，但憑我多年蒲討論區的經驗，都識得分邊啲係打手邊啲唔係。試過此療法的會員不是很多，我諗十隻手指數得晒。咩原理其實我都唔太明，但總之有人話得的方法，我就想去試下。於是，我就根據bk分享的資料，先其網站睇下，看看病例分享，再打電話去「延康生物共振（Grand
Health，下稱GH）」book。
GH的職員問我有沒有介紹人，我說沒有，然後佢話要睇吓治療師幾時有時間先。我見佢話要有介紹人，我就上bk搵返啲用過的媽咪，pm佢哋想佢地做我介紹人，但她們都沒有覆我。翌日，GH就同我約時間了，約咗6月3日上去，做Checking。雖然我是有決心去做，亦抱有信心和期望，但越諗我就越驚，睇bk又唔知啲人做完成效係點。於是又再pm幾個媽咪去問。
我主動approach的會員中，一共收到四個回覆。有三個回覆我話有效，小朋友好返，呢幾年都沒有翻發。小sin子和另一位媽咪May仲whatsapp佢小朋友前後對比的相片給我。小Sin子說，其實她同時做好多樣嘢，佢都唔肯定邊樣係得，不過佢都覺得BRT和opc-3是值得試的。May則打電話俾我，傾咗一陣，說她是用乜都冇效，所以先去試BRT，而做BRT的同時，係冇做其他的治療了，所以肯定是BRT幫到佢個仔。另也有會員pm話BRT係得。第四個媽咪，則告訴我BRT無效，做咗三十次都唔得。她認為BB去做係比較見效的。但係最後係睇中醫睇好，再加埋另一種自然療法，touchwood佢兒子都冇事了。
我都已經有決心去做，無論結果係點，唔試我唔心息。好似一個媽咪同我講，本住俾人呃錢的心態去做會好啲。對，最多俾人呃錢，唉，西醫都呃咗我咁多年了。於是我決心中醫、BRT、食supplements並行去醫治。雖然有人認為我咁樣，到最後都唔知係邊樣幫到我，但我覺得，我要的是結果，不需要知邊樣幫到我。而且，說不定，每樣都幫我10%，咁加加埋埋咪100%囉！
是以，2016年6月3日，我去咗GH度進行第一次checking。
Checking分兩部分。第一部分，係有部機，手掌和腳掌都貼住金屬片，待8分鐘。第二部分，我好舒服地坐在椅上，治療師拎住支長長的金屬匙的物體，有部機響我旁邊，她就拎住件好似印章的東西，在一盤盤的迷你test tube上印，並跟我談話。
攪咗1.5-2小時，治療師Tanya說我有些東西係過敏：Gluten、yeast、egg、milk（少少）。另外，體內有寄生蟲、重金屬、四種真菌，她叫我不要食甜嘢、薯仔、粟米，因為真菌需要糖作養分，我食甜嘢就即係一路去養緊佢哋。So far我只能戒egg、corn、potato。我話屋企仲有好多乳酪要清埋佢，Tanya話我可以食埋，遲啲先同我清真菌。我問是否戒口戒一世，她說：「唔係，啲人來做生物共振都係想過返正常生活。」
另外，身體狀況方面，都係肝唔係幾好，所以排毒唔好。有些脊骨不太好，都會影響到內臟的（所以我都有聽過話脊醫可以治濕疹，因為脊背影響了脾胃等功能，毒便發出來）。
最impressed的是有幾項：（一）她說儀器睇到我右腦唔夠血清，情緒有問題（當時我是很抑鬱的）；（二）她說我由右耳至下身的淋巴唔通，好多毒（我又真係右耳背至下身腹股溝是主要濕疹集中處）；（三）她睇到我左腳有過傷患。
雖然這種儀器測身體及測過敏的形式，跟我過去認識的西醫方法很不一樣，不過我都走投無路，而且有人試過得，我就相信，所以我決定展開療程。我問Tanya我的情況要做幾耐改善，她說九個月至一年。我希望生物共振真係幫到我斷到尾，可以過返正常生活，食到想食的東西（適量地吃吧）。
於是，我就12次療程咁買，$9500 /
12次。我上bk睇過啲家長點樣帶小朋友去做，有人做10次已經好明顯改善，有人做咗19次，有人做咗30-40次。我諗我都係做40次以上那種（年紀大係攪耐啲）。本來我想我做咗有效才帶兩個女去做，但想想，我做半年先見效，到時咪浪費緊女兒的治病時間？而且，醫病呢回事，就算中西醫，都可能睇個醫生夾唔夾；我有用的方法，不代表我女兒冇用，反之亦然。所以，我都決定會帶兩個女去做。但book到7月中先到佢哋了。
暫時我做咗2次BRT。每次過程大約1小時。先吐點口水在棉花或紙巾上，然後手握金屬棒，之後就安坐椅上，治療師會把一塊板在不同時段放在我的腰 / 腹 / 背 / 頭。第一次的治療，是提升我的排毒功能；第二次是開始除菌。Tanya問我有沒有戒口，我說未戒到Gluten。她就說給我一樽enzymes，雖然唔可以當解藥，但如果嗰餐要食有gluten的食物，就食兩粒先。不過遲啲做相關的脫敏就一定要戒清了。
每次完咗療程，都會俾杯水我飲，水沒有特別的氣味，但入面有我的「資料」。另又會給我一片像硬幣狀電池的東西，叫我貼在肚臍下方，貼到下次療程。
暫時只做了兩次，不知道效果如何，始終同時飲緊中藥，又唔肯定何者療效更顯著。不過，我睇bk的分享，做完除菌、脫敏係會排毒，要飲多些水帶毒出去，另外毒也有可能發上皮膚的，所以會痕。做完除菌療程後的三天，我真係覺得療多咗，兩個禮拜冇出現的大痕和多處出水都出現返，唔知是否真的關事？
我之前也去過呢間中心做過測試，是網上預約的，目的是治療濕疹，之前我也去過兩間生物共振中心做過治療，一間嫌貴，一間做了幾個月，冇咩起色，想試下呢間會吾會有好D嘅效果。呢間用嘅儀器有D吾同，之前兩間是用一枝金屬棒係穴位度測試，呢間吾使，需時過半鐘，做完後，治療師話我對某類食物過敏，都係蛋，牛奶，麩質，味精我之前知道嘅大路嘢，叫我戒口，吾得先至再梨，冇其他講解同跟進，同之前兩間，比較馬虎，可能趕住收工。有點失望，我諗住攞埋份報告便離開，職員話幾日後會電郵俾我，吾明點解要等幾日？之前兩間都是測試完即時俾到-係電腦印出梨之嘛，我心諗佢地可能真係趕住收工，無謂計較便離開，但等了一星期，冇回音，便打電話，但冇人聽，便發電郵追，幾日後電郵回覆，話會盡快，但過了一星期，仍然冇回音，我便再發電郵，等了兩日，依然冇回應，便打電話留言(因電話冇人聽)，表達我的不耐煩，一日後，有職員回電話俾我，話會盡快，當天不久便電郵收到報告，有16頁紙，同之前兩間差吾多，報告入面有好多器官測試數值，測試員當天又吾向我講解呢D數值點參考，份報告重要等我追幾次，兩個星期後先收到，所以我對呢間中心嘅服務冇晒信心，發誓吾再揾佢。
回覆刪除