抗戰濕疹，戒類固醇 內服篇（三）

(9)   山竹汁

山竹汁主要是比諾諾飲的，都係網上有人話山竹對抗敏有幫助。我俾個囡飲，自己都飲吓先。但這東西不能當果汁咁飲，佢都寫明係一次飲30ml as supplement。以為山竹咁甜，啲汁都會好甜，原來呢隻山竹汁連殼打的（山竹素，即最抗敏的成份都有山竹殼中），所以飲落係甘甘地。我飲過一次咋。諾諾就日日飲。

(10)   益生菌

根據「腸漏症」的原理，益生菌可改善腸道健康，對皮膚也有幫助。我最初是一日一粒，但生物共振的治療師叫我食三粒。我又不敢一次加咁多，暫時係一日食兩粒。

(11)   洋蔥綠茶素

洋蔥綠茶素我聽聞已久，多年前也有衝動想買，但好多review都話冇乜用，不過而家我不惜一切嘛，人哋冇用唔代表我冇用，所以趁sogo thankful week就買來食吓。上次生物共振的治療師都有建議我食類似的extract，但她睇過我呢隻，就話食晒呢買佢嗰隻都可以。

(12) 鈣+鎂

有懷孕到授乳一直有食，本來都唔認為呢啲同治濕疹有關。但生物共振的治療師叫我要食double dosage，因為我一般食的份量係平常人補鈣之用，授乳的話更應食多啲。而她也說有研究話濕疹同缺鈣都有關，但一定要食埋鎂去鎖鈣。於是我每天除了吞藥丸式的鈣+鎂，也食埋當糖食的FANCEL鈣+鎂。