當我認清楚西醫已經幫唔到我，我一定要轉投其他方法。咁香港睇醫生，唔係西醫就中醫的啦。我聽得多話要搵個「夾」的中醫，所以也可能要經歷一番找尋。以下是我TSW以來睇過的中醫。
(1)
許醫師
TSW第二天，我雙手和臉已痕得要命，根本不能坐著乾等三個月/半年/一年來「康復」，於是決定求醫療輔助。西醫不能碰，就找中醫吧。找哪個中醫治濕疹，我可是毫無概念，當時只想盡快找個醫師幫自己，於是我找回我睇過我許醫師。
許醫師是2014年朋友介紹我睇的。當時我想生第二胎，但努力了一段日子也沒有好消息，於是便睇中醫調理身體。許醫師的診所內貼滿了BB相，她一定協助了不少夫婦帶來新生命。但睇了幾次，我又沒有恆心常常出金鐘睇，便停了。到2015年不心息再與老公一齊睇，然後我便懷孕了。但那次不幸小產，也有睇許醫師，個多月後再懷孕（善善），自此我便停了睇許醫師。
許醫師是個細心、溫柔的中醫師。她說我的濕疹是「過敏體質」，但因為我在餵人奶，她開一些不收奶的藥，要溫和的不能太去濕，以免影響授乳。可能因為用藥溫和，我又正值類固醇反彈的初期，即使連續6星期睇佢，每星期飲三劑藥，情況也無明顯改善。我開始想，也許許醫師在生BB方面比較在行，醫濕疹則不然？也許許醫師與我在生BB方面比較夾，濕疹方面則不夾？也許我授乳中，用不了什麼藥，睇中醫都是徒然，不如等善善停了母乳才繼續睇中醫？
加上，每個星期六早上（才有時間）去金鐘睇許醫師，我真的很疲倦。自己懶煎藥，就由診所代勞。星期一我同事的丈夫（在金鐘上班）會替我拿藥，星期二由同事A就把藥拿給我。這樣子其實也很麻煩別人，遇上暑假又怎樣呢？所以，由2016年4月9日睇到2016年5月14日，我就停止了睇許醫師了。
沒有留言:
張貼留言