抗戰濕疹，戒類固醇 自然療法篇（二）

(2) Christy Ngor

27/6/2016，我去睇了自然療法醫生，Christy Ngor。她是在一間Organic Mama的店中的。在5月尾其實我已在網上找到她，也有想去看看，但當時已在定了做BRT和睇中醫，便不打算同時做咁多。

8/6/2016，與一個bk的媽咪通電話，她說她兒子做了40次BRT濕疹也沒改善，後來就是睇中醫加埋Christy，touchwood兒子的濕疹都OK了。那媽咪說，她兒子是睇中醫睇到好咗大半，再靠著Christy的Bioscan和教點食supplements來治濕疹。我就想，反正我而家都食唔少supplement，有個儀器睇下我身體有咩需要，食相對應的supplement，不是更好嗎？於是終於的起心肝預約。

到了Organic Mama，先做Bioscan。過程非常簡單，只需手握一支棒，幾分鐘後就有結果，可以睇到我身體各樣的指數，例如重金屬、維生素等等。簡單得令我覺得有點不可思議。然後Christy逐一講解，並指示我應該食什麼supplements來治療。她說我現在食的做的可以繼續，再加埋佢開的，三星期後覆診。

首先是我要排毒，要食Trimtox和西梅汁，幫助身體排便以排毒。另外需食洋蔥素、Olive Leaf、沸石來幫助止痕及排重金屬。另外我洗澡要用除氯氣的Filter，我都買了兩個。

Christy說，治濕疹除了這個方法，還有另一個的，如果呢個方法唔得，下次覆診會換另一個。那我問，我已經食中藥、BRT，如果得，我點知係中藥 / BRT定係她的方法呢？她笑了笑說，咁你自己都Feel到的吧。我又問她，我要幾長時間去改善呢，她說我三個月都走唔甩了。

暫時我跟咗四天，食supplement對我來說沒什麼不好的感覺，反正我都食唔少。希望呢啲方法對我有用啦。