TSW Month 8

寫於2016年12月5日

11月時，因為工作繁忙和眼角膜受傷，skip 了沒打 TSW Month 7。不過也是好事，我的生活不再只聚焦在「濕疹」，而是多了家庭生活。

我的腳面濕疹幾乎全好了，有時我都忘了它，只是外觀上仍有點深色，不過若我不說，誰會留意？中醫我仍然有睇有食藥，其實余醫師也有建議可暫停，但我還有手肘痕，像起風疹般有粒粒，所以仍然 keep 住睇和食藥。

11月17日，我做了第23次 BRT，Tanya 說我的身體已好多了，當然還有改善空間，但因為我遲啲會做眼角膜手術，她說不如休息一下，手術後才 resume。

我的面色正常，前陣子天氣凍，下巴都有起少少紅痕，但幾天就脫皮好返，身體的自癒能力高咗。戒口我是繼續的，gluten、milk、egg為主，但海鮮、牛我也有吃點。雖然 Tanya 說我可以逐步試，但因為仍給善善餵母乳，我還是乖乖戒口，為女兒好吧。

手肘仍是差啲，右邊腹股溝曾經接近康復，但呢幾日又有紅痕。不過係可忍受的，最最最重要係，我的面無事，之前又凍又乾然後又暖返又落雨，塊面都冇事。換了以前，我已經又紅又痕皮了。照鏡都開心咗好多。

諾諾已停了中藥。BRT 做到11月中，Tanya 說可暫停，12月中可以試牛奶，一周後試雞蛋，1月中再返去 check 下。而這陣子，諾諾的皮膚都好穩定。偶有一次塊面紅咗一撻，我就替她塗 NS21，過2天甩皮就冇事了。

善善就很令我憂心。2016年10月25日我讓她睇第一次中醫，但她不肯飲中藥，好不容易用蘋果汁、得力素溝甜才飲到。咁而家飲了個半月了，紅係冇之前咁紅，但仍然好鞋，又會無端端損晒。有時手臂大片紅晒出水嗰隻，跟住就甩大大片皮。像我早期的耳背和下巴般大大片損然後大大片甩皮。有 Babykingdom 的 jm介紹我試 Young Living 精油，給我 blend 了一瓶油，又讓了一支 tender tush 軟膏給我。她的兒子之前又是手腳面都好紅，精油攪掂咗。我經中學同學訂了一套 starting kit。中學同學又給我益生菌又給我製了一小罌有精油的濕疹膏。我用了 tender tush 和 jm blend 的油，其他還未正式開始用。其實心存希望的…… 我同諾諾都叫做用中藥+BRT+Kangen water攪得掂，善善才食了個半月中藥，劑量又少一半，諾諾食咗4個半月喎，咁計法善善仲要努力。希望在明天。